لا يشغلك ماضي انتهى...ركز على الحاضر

لا يشغلك ماضي إنتهى .. ركِّز علـى مستقبلك !!

قبل أبتدي عندي طلب ركِّز طلب ماهـو " رجـاء "
ما أبـي تجاوبنـي .. ولا تستغـرب إنـي أسألـك

لا تنصدم من عزلتي حالـي مثـل : أبـو العـلاء
عندي سبب : ما تستحق إنِّـي أجيـك و أوصلـك

لا تعتبر جمر الحكي من شاعرك يعنـي " هجـاء "
لو كنت بهجي حضرتك ما خفت منِّك .. قلـت لـك

هذي القصيده مصنِّفه في دفتـري قصـة " رثـاء "
حـبٍ يمـوت وتنولـد .. وحـبٍ يعيـش ويقتلـك

ناديت لك ياما .. ولا لبِّيت لـي , وضـاع النـداء
مبحوح صوتي والصدى من كثر مـا ناديـت لـك

أقرب من ثيابي علي وأبعـد مـن نجـوم السمـاء
ورغم إبتعادك والتعـب ..أرسـم طمـوح وأمهلـك

ما كنت لي الداء وأنا ما كنت لـجروحـك " دواء "
ما عشت في دنياي لي !!عايش ولكن عشت " لك "

علمتك القلب الوفي .., ما يخذلك فيـه " إنتمـاء "
وعلمتني كيف العشم في مـن تحبـه .. يخذلـك !!

علمتك إن أصل الهوى يرجع لـكلمـة " إحتـواء "
وعلمتني إن الهوى , مـا عـاش يـوم بـداخلـك

علمتك إنِّي لك بحر [ مـدَّه وجـزره ] لـك وفـاء
وعلمتني كيف أنصدم وأغرق أنـا فـي ..ساحلـك

ما تستحي ,, ودامك كذا ؟ - إفعل حبيبي ما تشـاء
توِّي عرفت إنِّي كثر ما أعْرِفِـك .. كنـت أجهلـك

ما كان قلبي بس لـك وقلبـك لعـب دور الدهـاء
وما كنت لك أقرب من أنفاسك وأقرب مـن هلـك ؟

ما عاد تفرق غيبتك أو رجعتك .. عنـدي سـواء
كنت إهتمامي ورغبتي .., والحيـن دوري أهملـك

لا صار قلبي لك وطن .. أبسألك ويـن الـولاء ..؟
وشلون حال المملكه ؟ - دام الخيانه من ( ملـك )

إن كنت جاهل ..! " لعبتك قلبي " وما فيهـا ذكـاء
حتى الطفل إن جبت له [ لعبه ].. - ولاءه صار لك

قبل أنتهي عندي - أمر ما هو طلب وإلا - رجاء ..
لا يشغلك ماضي إنتهى .. ركِّز علـى " مستقبلـك "